திருக்குறள் பாயிரத்தோடு எழுந்த நூல். பாயிரம் இலக்கணம் நன்னூல் கூறுவது

நன்னூல் சிறப்புப்பாயிரம் -சிறப்புப் பாயிரத்து இலக்கணம்

சிறப்புப்பாயிரத்துக்குப் பொதுவிதி
47 ஆக்கியோன் பெயரே வழியே யெல்லை
நூற்பெயர் யாப்பே நுதலிய பொருளே
கேட்போர் பயனோ டாயெண் பொருளும்
வாய்ப்பக் காட்டல் பாயிரத் தியல்பே.

 ஆக்கியோன் பெயர் - நூல் செய்தோன் பெயரும் , வழி - நூல் வந்த வழியும் , எல்லை - நூல் வழங்கு நிலமும் , நூற் பெயர் - நூலினது பெயரும் , யாப்பு - இந் நூல் முடிந்த பின்பு இந்நூல் கேட்கத் தகும் என்னும் இயையும் , நுதலிய பொருள் - நூலிற் சொல்லப்பட்ட பொருளும் , கேட்போர் - இந்நூல் கேட்டற்கு உரிய அதிகாரிகள் இவர் என்பதும் , பயன் - கேட்டலால் பெறப்படும் பயனும் , ஆய் எண் பொருளும் - ஆகிய எட்டுப் பொருளையும் , வாய்ப்பக் காட்டல் - விளங்க உணர்த்துதல் , பாயிரத்து இயல்பு - சிறப்புப்பாயிரத்தினது இலக்கணமாம் .
ஆகிய வென்பது ஆய் என்று ஆயிற்று .

48 *காலங் களனே காரண மென்றிம்
மூவகை யேற்றி மொழிநரு முளரே.
காலம் - நூல் செய்த காலமும் , களன் - நூல் அரங்கேற்றிய சபையும் , காரணம் - நூல் செய்தற்குக் காரணமும் , என்று இம் மூவகை ஏற்றி மொழிநரும் உளர் - என்று இம் மூன்றனையும் அவ் எட்டனோடு கூட்டிப் பதினொன்றாகச் சொல்லுவாரும் சிலர் உளர் .
(அ.கு) *இறையனார் அகப்பொருள் உரை மேற்கோள் .

நூல் பெயருக்குச் சிறப்புவிதி
49 முதனூல் கருத்த னளவு மிகுதி
பொருள்செய் வித்தோன் றன்மைமுத னிமித்தினும்
இடுகுறி யானுநூற் கெய்தும் பெயரே.
நூற்கு - ஒரு நூலுக்கு , முதல்நூல் - அந் நூலின் முதல் நூலும் , கருத்தன் - அந்நூல் செய்தவனும் , அளவு- அந் நூலின் அளவும் , மிகுதி - அந்நூலிலே சொல்லப்படுவனவற்றுள் மிகுதியாகிய கூறும் , பொருள் - அந் நூலிலே சொல்லப்பட்ட பொருளும் , செய்வித்தோன் - அந்நூல் செய்வோனுக்குப் பொருளுதவி செய்து அதனைச் செய்வித்தவனும் , தன்மை - அந்நூலின் குணமும் , முதல் நிமித்தினும் - முதலாகிய காரணங்களாலும் , இடுகுறியானும் - இடுகுறியானும் ; பெயர் எய்தும் - பெயர் வரும்.

முதல் நூலால் பெயர் பெற்றன பாரதம் முதலாயின . கருத்தனால் பெயர் பெற்றன தொல்காப்பியம் முதலாயின . அளவினால் பெயர் பெற்றன நாலடி நானூறு முதலாயின . மிகுதியால் பெயர் பெற்றன களவியல் முதலாயின . பொருளால் பெயர் பெற்றன அகப்பொருள் முதலாயின . செய்வித்தோனால் பெயர் பெற்றன சாதவாகனம் முதலாயின . தன்மையால் பெயர் பெற்றன நன்னூல் முதலாயின . இடுகுறியால் பெயர் பெற்றன கலைக்கோட்டுத் தண்டு முதலாயின .

 
வழியின் வகையாகிய நூல் யாப்புக்குச் சிறப்பு விதி

50 தொகுத்தல் விரித்த றொகைவிரி மொழிபெயர்ப்
பெனத்தகு நூல்யாப் பீரிரண் டென்ப.
தொகுத்தல் - விரிந்து கிடந்ததைத் தொகுத்துச் செய்தலும் , விரித்தல் - தொக்குக் கிடந்ததைத் விரித்துச் செய்தலும் , தொகை விரி - தொகுத்தும் விரித்தும் செய்தலும் , மொழி பெயர்ப்பு - ஒரு பாடையில் உள்ள நூலை மற்றொரு பாடையிலே திருப்பிச் செய்தலும் , என - என்று , தகுநூல் யாப்பு ஈரிரண்டு என்ப - தக்க நூல் யாப்பானது நால்வகைப்படும் என்று சொல்லுவர் புலவர் .
மலர்தலை என்னும் சூத்திரத்து உள்ளே தொகை வகை விரி யாப் பென்று சொல்லியது இந் நான்கு பிரிவினுள் இல்லையே யெனின் , நடு நின்றவகை பின் நின்ற விரியைக் குறிக்கும்போது தொகையாகவும், முன் நின்ற தொகையைக் குறிக்கும்போது விரியாகவும் நிற்றலினாலே , தொகை வகை விரி என்றது தொகை விரி என்பதனுள் அடங்கும் எனக் கொள்க.

சிறப்புப்பாயிரம் செய்தற்கு உரியார் இவர் என்பது
51 தன்னா சிரியன் றன்னொடு கற்றோன்
தன்மா ணாக்கன் றகுமுரை காரனென்
றின்னோர் பாயிர மியம்புதல் கடனே.
தன் ஆசிரியன் - தன்னுடைய ஆசிரியனும் , தன்னொடு கற்றோன் - தன்னோடு பாடம் கேட்டவனும் , தன் மாணாக்கன் - தன்னுடைய மாணாக்கனும் , தகும் உரைகாரன் - தன் நூலுக்குத் தகும் உரையைச் செய்தவனும் , என்று இன்னோர் - என்று சொல்லப்பட்ட இந் நால்வருள் ஒருவர் , பாயிரம் இயம்புதல் கடன் - சிறப்புப் பாயிரத்தைச் சொல்லுதல் முறைமையாகும்.
தன்னொடு கற்றோன் எனினும் , ஒரு சாலை மாணாக்கன் எனினும் ஒக்கும் .

சிறப்புப் பாயிரம் பிறர் செய்தற்குக் காரணம்
52 *தோன்றா தோற்றித் துறைபல முடிப்பினும்
தான்றற் புகழ்தல் தகுதி யன்றே.
தோன்றா தோற்றித் துறை பல முடிப்பினும் - தோன்றாத நுட்பங்கள் எல்லாம் காட்டிப் பல துறைப்பட்டு விரிந்த நூலைச் செய்து முடித்தாலும் , தான் தன்புகழ்தல் தகுதி அன்று - தானே தன்னைப் புகழ்ந்து கொள்ளுதல் தகுதி அன்றாம் .
அ.கு * தொல்காப்பியம் இளம்பூரணர் உரை மேற்கோள் .

தற்புகழ்ச்சி குற்றம் ஆகா இடங்கள்
53 மன்னுடை மன்றத் தோலைத் தூக்கினுந்
தன்னுடை யாற்ற லுணரா ரிடையினும்
மன்னிய அவையிடை வெல்லுறு பொழுதினுந்
தன்னை மறுதலை பழித்த காலையுந்
தன்னைப் புகழ்தலுந் தகும்புல வோற்கே.
மன்னுடை மன்றத்து ஓலைத் தூக்கினும் - அரசனது சபைக்கு எழுதுஞ் சீட்டுக் கவியிலும் , தன்னுடைய ஆற்றல் உணரார் இடையினும் - தனது கல்வி வலிமையை அறியாதாரிடத்திலும் , மன்னிய அவையிடை வெல்லுறு பொழுதினும் - பெரிய சபையில் வாதஞ் செய்து வெல்லும் பொழுதும் , தன்னை மறுதலை பழித்த காலையும் - தன்னை எதிரி பழித்த காலத்திலும் , தன்னைப் புகழ்தலும் புலவோற்குத் தகும் - தன்னைத் தான் புகழ்ந்து கொள்ளலும் புலவனுக்குத் தகும் .

பாயிரம் நூலுக்கு இன்றி அமையாச் சிறப்பினது என்பது
54 ஆயிர முகத்தா னகன்ற தாயினும்
பாயிர மில்லது பனுவ லன்றே.
ஆயிரம் முகத்தான் அகன்றது ஆயினும் - ஆயிரம் உறுப்புக்களால் விரிந்தது ஆயினும் , பாயிரம் இல்லது பனுவல் அன்று - பாயிரம் இல்லாதது நூல் அன்றாம்.

பாயிரம் நூலுக்கு இன்றி அமையாச் சிறப்பினது என்பது
55 மாடக்குச் சித்திரமு மாநகர்க்குக் கோபுரமும்
ஆடமைத்தோ ணல்லார்க் கணியும்போல் - நாடிமுன்
ஐதுரையா நின்ற வணிந்துரையை யெந்நூற்கும்
பெய்துரையா வைத்தார் பெரிது.
மாடக்குச் சித்திரமும் - மாளிகைக்குச் சித்திரமும் , மாநகர்க்குக் கோபுரமும் - பெரிய பட்டணத்திற்குக் கோபுரமும் , ஆடு அமைத்தோள் நல்லார்க்கு அணியும் போல் நாடி - நடிக்கின்ற மூங்கில் போலும் தோள்களையுடைய மங்கையருக்கு ஆபரணமும் போல நினைத்து , ஐது உரையா நின்ற அணிந்துரையை உரையா - அழகிய பொருளைச் சொல்லுகின்ற பாயிரத்தையுரைத்து; எந்நூற்கும் முன்பெரிது பெய்து வைத்தார் - எவ் வகைப் பட்ட பெரிய நூலுக்கும் முதலிலே பெரும்பாலும் சேர்த்து வைத்தார் ஆசிரியர்.

சிறப்புப்பாயிரத்து இலக்கணம் முற்றிற்று .

மதுரை MP சு.வெங்கடேசன் மக்கள் வரிப்பணத்தில் MP நிதியில் இந்த பஸ் நிறுத்த நிழற்குடை ரூ.5 லட்சம் செலவு

மதுரை MP சு.வெங்கடேசன் மக்கள் வரிப்பணத்தில் MP நிதியில் இந்த பஸ் நிறுத்த நிழற்குடை ரூ.5 லட்சம் செலவு என்ற அறிவிப்பு பலகை - வைரல் ஆக தானே நேரில் பார்த்து திட்ட செலவு கணக்கு/ மதிப்பீடு சரி பார்ப்பதாக பதிவு இட்டவர்- கணக்கு தராமல் தன் பெயர்- செலவு தொகை இருந்த பலகையை மட்டுமே நீக்கி உள்ளார்.

மேலும் ஒரு காங்கிரஸ் MP ரூ.7லட்சம் பஸ் நிழற்கொடை எனவும் வந்தது.

தமிழக மக்கள் வரிப்பணம் செலவுகள் சந்தை விலையில் இல்லாமல் பல மடங்கு அதிகமாக காட்டுகிறதே?

ஐயா - வேர் சம்ஸ்கிருத ஆர்ய

 தமிழில் ஐயா என்பது தம்மில் பெரியவர் என்றும், அறிவுக் குடி அந்தணரையும் குறிக்க பயன்படுத்தி வருகிறது.

பரிபாடல் திரட்டு ஒரே பாடலில் 6வரிகளில் பார்ப்பனர், அந்தணர், ஐயர் என 3 சொற்களையும் தொன்மையான அறிவுக் குடி பிராமணரைக் குறிக்கிறது.

களவு மணம் அதிகமாக பிராமணர் முறையான சடங்குகளுடன் (கரணம்) திருமணம் செயவித்ததை "ஐயர் யாத்தனர் கரணம் என்ப" என்கிறது.

ஐயா எனாற சொல் வேர் என்ன? 

சம்ஸ்கிருத மொழியில் -

ஆரிய - உயர்ந்த